Santosi: Harrojeni Nejmarin këtë vit

Objektivi për transferim i klubeve më të mëdha evropiane, përfshirë Real Madridin e Çelsin, sulmuesi i Santosit Nejmar nuk do të largohet nga skuadra gjatë kësaj vere, ka insistuar presidenti i klubit brazilian, Luis Alvaro de Oliveira. “Në lidhje me spekulimet e vazhdueshme rreth të ardhmes së futbollistit, jam i obliguar të komunikoj se transferimi i Nejmarit nuk është i negociueshëm. Përgjigja e Santosit është se nuk do të konsiderojmë asnjë ofertë për Nejmarin. Ai do të kthehet te Santos pas Copa America”, tha Oliveira në një komunikatë.