Sekretari amerikan i Mbrojtjes Robert Gates parashikon rrezimin e Gadafit

Sipas vleresimit te Pentagonit bombardimet e NATO-s e kane demtuar ushtrine libiane por forcat besnike ende nuk jane prane pikes se thyerjes.        

Rrezimi i regjimit te Gadhafit pavaresisht se do te ishte i mirepritur nuk eshte pjese e misionit ushtarak. Pikpamja ime eshte se rrezimi i Gadhafit do te arrihet me kalimin e kohes permes masave politike dhe ekonomike dhe popullit libian. 

Deshmia e zotit Gates para Kongresit u be nderkohe qe shtypi njoftoi se CIA ka derguar ekipe ne Libi per te ndihmuar rebelet.  

Njoftimet thone se agjentet po grumbullojne informata per sulmet ajrore dhe per te vene kontakte me grupet rebele qe po perpiqen te rrezojne Gadhafin. 

Nuk mund te flas per aktivitetet e CIA-s por po ju them se presidenti ka qene tejet i qarte kur flitet per ushtrine amerikane nuk do te kete trupa tokesore.

Pentagoni perllogarit se qeveria e Libise ka 15 deri 20 mije trupa nderkohe qe rebelet kane rreth 1 mije luftetare me njohuri ushtarake. Disa anetare te Kongresit kane shprehur shqetesimin rreth moskonsultimit mbi vendimin per te sulmuar Libine dhe i kerkuan zotit Gates te shpjegoje nje operacion te suksesshem atje. 

Mendoj se nje nje sukses politik do te ishte rrezimi i regjimit te Gadhafit dhe te pakten dalja e nje qeverie pak a shume demokratike ne Tripoli.  

Zoti Gates thote se nderkohe qe NATO merr kontrollin e plote te operacioneve mbi Libi ushtria amerikane do te pakesoje ndjeshem pranine e saj. Ka patur thirrje per te trajnuar rebelet e armatosur lehte dhe furnizuar ata me arme por zoti Gates thote se kjo lloj mbeshtetje duhet te vije nga nje vend tjeter.  

Nese do te kete nje ndihme te tille per opoziten ka burime te tjera te mjaftueshme ne vend te Shteteve te Bashkuara.

Komentet e Sekretarit Gates erdhen nderkohe qe forcat e Gadhafit kundersulmuan rebelet kete jave duke rimarre pozicionet e humbura dhe nxitur thirrje per ndihme nga forcat opozitare.