Sekretari per Programin, kundershton rritjen e akcizes

Partia Socialiste ka reaguar serish per ngritjen e akcizes, duke vleresuar se rendon mbi xhepat e konsumatoreve shqiptare. Nepermjet nje deklarate per shtyp, deputeti i Qarkut te Shkodres, Ilir Beqja, kundershtoi ngritjen e akcizes per disa mallra, si dhe rritjen indirekte te taksave doganore, per mallrat qe nuk vijne nga vendet e Bashkimit Evropian, e kryesisht nga Kina nepermjet ndryshimit te menyres se zhdoganimit. "Rezultatet skandaloze te mbledhjes se te ardhurave ne 6 muajt e pare te vitit, shpenzimet marramendese ne funksion te fushates zgjedhore dhe perkeqesimi i deficitit buxhetor ne 6 muajt e pare te vitit, rikonfirmojne shqetesimet e ngritura prej nesh qe ne muajin mars, si dhe kundershtimin qe i beme nismes me te fundit te qeverise, qe te nesermen e berjes publike", vleresoi Beqja. Sipas tij, ne 6 muajt e pare te vitit 2009 mungojne ne arken e shtetit 122 milione dollare nga mosmbledhja e te ardhurave. Ai theksoi se ne 6 muajt e pare te vitit 2009, eshte mbledhur vetem 4.7 % me shume Tatim mbi Vleren e Shtuar se ne 6 muajt e pare te vitit 2008, gje qe kundershton edhe deklarimet per rritje reale te Prodhimit te Brendshem Bruto me 6 %. "Rritja e akcizes per kafene dhe cigaren si dhe rritja indirekte e detyrimeve doganore per mallrat qe nuk vijne nga vende te Bashkimit Evropian, do te ndjehet direkt tek konsumatoret me te ardhura mujore te pakta", u shpreh sekretari per Programin ne seline roze. Sipas tij, shtrenjtimi i kafese dhe i cigareve do t'u marre cdo muaj pensionisteve te qytetit, gjysmen e rritjes se pensionit qe perfituan ne 1 maj.