Sekti mizor, fëmijët, 10 vjet pa dritë dielli

Një sekt mizor fetar ka mbajtur 27 fëmijë të burgosur në bunkerë të nëndheshëm. Fëmijët, nga mosha një deri në 17-vjeçare, nuk e shihnin dritën e diellit prej rreth një dekade. Ngjarja ka ndodhur në Rusi, në qytetin Kazan, rajoni lindor i Tartarstanit. Fëmijët mbaheshin në dhomëza të vogla nën një shtëpi trekatëshe, pa ventilim apo elektricitet. Po aty jetonin edhe prindërit e fëmijëve, të cilët janë akuzuar për abuzim të miturish. Ndërsa lideri i sektit fetar mysliman, 83-vjeçari Faizrakhman Satarov i vetëshpallur profet, përballet me akuza për neglizhencë. Satarovi, më parë imam i lartë në një provincë fqinje, u dëbua për shkak se imamët e tjerë nuk i mbështesnin idetë e tij, në kundërshtim me besimin islamik. Ai i ka urdhëruar 70 ndjekësit e tij të jetojnë në bunkerë të nëndheshëm deri kur u zbuluan. Fëmijët janë tani në spital dhe do të dërgohen nëpër jetimore.