Lideret boteror mirepresin te zgjedhurin

Lideret boteror kane mirepritur fitoren e senatorit demokrat, Barak Obama. Nder te paret qe kane pershendetur fitoren e tij, ka qene Presidenti francez, Nikolas Sarkozi. Ai ka uruar Barak Obamen per ate qe ai e quajti "fitore brilante" te zgjedhjeve ne Amerike. "Ne kohen kur te gjithe perballemi me sfida te medha, zgjedhja e juaj i rrit shpresat ne France, Evrope dhe gjetke ne bote", tha Presidenti francez. Sipas tij, amerikanet, besnike te vlerave qe kane percaktuar gjithmone identitetin e Amerikes, kane shprehur me force besimin e tyre tek progresi dhe e ardhmja. Keto kane qene fjalet, me te cilat Sarkozi komentoi zgjedhjen e Obames President. Nderkohe, Presidenti i Komisionit Evropian Zhoze Manuel Barozo e uroi Barak Obamen per fitoren ne zgjedhjet e SHBA duke thene se ai shpresonte se do te ndihmonte ne gjetjen e nje zgjidhjeje te re, per t'i dhene fund krizes financiare. "Ne duhet te ndryshojne krizen aktuale ne te cilen ndodhemi, per te cilen kemi nje mundesi te re. Ne kemi nevoje per nje marreveshje per boten e re", deklaroi Barozo. Ai siguron senatorin Obama per mbeshtetjen e Komisionit Evropian dhe per mbeshtetjen e tij personale ne perparimin e ketij angazhimi, per t'i bere balle se bashku ndryshimeve te shumta qe i nevojiten vendeve. Nderkaq ish-presidenti amerikan, Xhorxh Bush, i telefonoi demokratit per fitoren ne Shtepine e Bardhe. "Ju shpreh urimet e mia, President. Ishte nje nate fantastike per ju, familjen dhe mbeshtetesit tuaj", u shpreh Bush permes zedheneses se tij, Dana Perino. Ai tha se se bashku me bashkeshorten, i kishte telefonuar Obames per t'i uruar fitoren. Afrikanet i kushtuan me shume vemendje ketyre zgjedhjeve sepse kandidati demokrat, senatori Barak Obama, bir i nje emigranti nga Kenia, eshte jashtezakonisht popullor ne Afrike. Kenianet u perqafuan, me te degjuar lajmin e fitores. Etiopianet thone se ata kurre nuk kane qendruar gjithe naten pa gjume, vetem per te pritur rezultatet e cfaredolloj zgjedhjesh. Per te huajt, Barak Obama perfaqeson nje ndryshim nga politikat e Presidentit Bush, qe kane shkaktuar zemerim lidhur me luften ne Irak dhe te drejtat e njeriut.

BRITANIA

"E di se Barak Obama dhe une ndajme shume vlera. Ne jemi te vendosur qe bashkerisht te tregojme se qeverite mund te veprojne ne menyre te sinqerte, te ndihmojne popullin ne keto kohe te veshtira duke u ballafaquar me sfidat globale", ka deklaruar kryeministri britanik, Gordon Braun.

URIMET

Mesazhe urimi ne adrese te Presidentit kane mberritur nga Kancelaria gjermane Angela Merkel, Presidenti gjerman Horst Keler, Presidenti slloven Danilo Tirk dhe lidere te tjere evropiane dhe boteror, duke perfshire edhe Presidentin e Venezueles, Hugo Chavez.