Serbet mbajne "mbledhjen konstituive te kuvendit te komunes"

Serbet e veriut te Mitrovices mbajten dje "mbledhjen konstituive te kuvendit te komunes", pas zgjedhjeve lokale te Serbise te 11 majit, te cilat UNMIK-u i shpalli te paligjshme. Mediet lokale serbe njoftojne se ne kete mbledhje "eshte zgjedhur udheheqja komunale". Sic behet e ditur, kryetar i "komunes se Mitrovices" do te jete Nenad Toplicevic, nga Partia Radikale e Serbise, e cila se bashku me Partine Demokratike te Kryeministrit serb, Vojisllav Koshtunica, kane arritur marreveshje koalicioni "per pushtetin lokal". Ne veri te Mitrovices, drejtuesit politike serbe paralajmeruan edhe se "Kuvendi i perkohshem i popullit serb ne Kosove do te formohet deri me 15 qershor", ndersa brenda gjashte muajsh, qeveria e Serbise do te shpalle "zgjedhjet krahinore" ne Kosove. Ne zgjedhjet lokale te Serbise ne Kosove shumica e serbeve kosovare kane votuar per Partine Radikale te Serbise. Shefi i UNMIK-ut, Joakim Ryker, ne diten e mbajtjes se zgjedhjeve lokale te Serbise ne Kosove, me 11 maj, ka thene se ato jane pa baze ligjore dhe si rrjedhim, "te paefektshme ne Kosove".