Serbi, protestë ndaj takimit Jahjaga - Nikoliq

Pjesëtarë të Partisë Radikale serbe, sot në Beograd, te ndërtesa e kryetarit të Serbisë, kanë mbajtur protesta kundër takimit të paralajmëruar me kryetaren e Kosovës Atifete Jahjaga dhe kanë thënë se Tomislav Nikoliq me këtë takim e shkel kushtetutën e Serbisë, njoftojnë Tanjug.

Me transparent "E tradhtove Sheshelin, tash po e tradhton edhe shtetin”, dhjetëra pjesëtarët të PRS-së kanë thënë se Nikoliq kur u betua ishte obliguar se do të punonte në ruajtjen e integritetit territorial të vendit.

Funksionari radikal Nemanja Sharoviq ka thënë se janë përralla se “ai (Nikoliq) kurrë nuk do ta njohë Kosovën”./Indeksonline/