Seri vjedhjesh ne kryeqytet, 5 ne pranga

Tirane-Pese persona te akuzuar per vjedhje, jane arrestuar nga Policia e Tiranes, gjate 24 oreve te fundit. Nga keto raste behet fjale per vjedhje banesash, automjetesh dhe te sasive monetare. Nje 19-vjecar, Emiljano Rrapushi, i proceduar me pare per vjedhje, eshte arrestuar si i dyshuar ne 3 raste vjedhje banesash ne kryeqytet, ngjarje keto te ndodhura ne janar dhe shkurt te ketij viti. Ndersa nga sherbimet e Komisariatit nr. 4, eshte arrestuar 20-vjecari Flamur Matoshi, i denuar me pare per plagosje me thike, pasi dyshohet se ne bashkepunim me dy persona te tjere E.S dhe M.N, ne Unazen e Re, kane vjedhur mjetin tip "Lancia libra", me targa italiane ne pronesi te nje personi. Sipas policise, Matoshi ne bashkepunim me 21-vjecarin R.R, dyshohet te jene autore te vjedhjes se mjetit tip "Benz 250", me targe TR 9617 N, ngjarje kjo e ndodhur me 25 nentor te ketij viti. Nje tjeter person ka rene ne prangat e policise, pasi eshte kapur ne flagrance duke vjedhur ne autobusin e linjes Kinostudio-Kombinat. Luciano Belino, 26- vjec, i denuar me pare per vjedhje, eshte kapur menjehere pasi kishte vjedhur nje sasi prej 14 700 lekesh ne udhetari ne autobus. Ndersa nga sherbimet e Komisariatit nr 2. jane prangosur, Ervis Cika, 20 vjec dhe Sali Guni, 19 vjec, pasi jane kapur ne flagrance prane shkolles "Arben Broci", duke vjedhur dy sensor ne nje automjet.