Sfidat e Presidentit ne politiken e jashtme
Festimet per zgjedhjen e Barak Obames si President i Shteteve te Bashkuara, tani po ia lene vendin perpjekjeve te Presidentit te ardhshem dhe ekipit te tij, per te bere zgjedhjet e nevojshme per sfidat qe i presin me fillimin e mandatit ne janar. Ekspertet politike dhe analistet e politikes se jashtme thone se Presidenti i ri do te perballet me sfida te veshtira qe ne fillim. Sapo te filloje detyren Presidenti i sapozgjedhur Obama, do te gjendet perballe problemeve te lena pas nga Presidenti Bush, perfshire krizen financiare, lufterat ne Irak dhe Afganistan, mundesia qe Irani te prodhoje arme berthamore dhe nje numer situatash te tjera qe kerkojne vemendje te menjehershme. Profesori i Shkencave Politike ne Universitetin "Rice" Uerl Blek, bashkautor i librit "Amerika e Ndare", thote se presidenteve te rinj u eshte dashur shpesh te perballen me probleme te lena pas, nga paraardhesi i tyre. "Ai do te perballet per shembull me nje situate te ngjashme me ate qe e priti Presidentin republikan Ronald Regan, kur mori pushtetin ne janar te vitit 1981. Ai do te trashegoje te gjitha problemet qe kane lidhje me administraten paraardhese", shpjegoi ai. Profesori Blek thote se nje problem per Presidentin e ardhshem Obama mund te jene shpresat e medha qe ai ngjalli tek perkrahesit e tij. "Duke pasur parasysh se mesazhi i Obames e vuri theksin tek shpresa dhe ndryshimi dhe ne pergjithesi ai foli ne vija te pergjithshme per to, ai ka terhequr pa dyshim miliona perkrahes dhe ndoshta jo te gjithe ata kane te njejten ide per llojin e ndryshimit qe duan dhe se cfare shpresash duan te permbushin", sqaroi Blek. Nder sfidat me te medha dhe me shqetesuese qe e presin presidentin e ri, jane ato per politiken e jashtme. Piter Zaihan, nenpresidente i Analizes per Stratforin, nje kompani private zbulimi dhe analize ne Teksas, thote se te gjithe presidentet qe hyjne ne Shtepine e Bardhe e kuptojne qe i kane alternativat e kufizuara. Por, thote ai, Presidenti Obama do te perballet me disa probleme specifike. "Se pari, eshte Iraku. Ai u ka premtuar perkrahesve te tij se do te terhiqet sa me shpejt qe te jete e mundur. Megjithate nese nuk do, qe te rikthehet dhe te dislokoje trupat e te filloje lufte me Iranin, pas nje ose dy vjetesh, ai duhet te tregoje kujdes ne realizimin e ketij synimi. Duhet te kete nje fare marreveshjeje me Iranin per te ardhmen e Irakut. Nese nuk behet nje gje e tille dhe thjesht terhiqen trupat, asgje nuk do ta ndalonte Iranin ta merrte situaten ne dore, direkt ose indirekt", deklaroi Zaihan.