Shaqiri, shpresë e 2012-ës

Talenti i madh i mesfushorit kosovar të Baselit, Xherdan Shaqiri sigurisht se nuk ka kaluar pa u vërejtur nga opinioni i gjerë botëror.

Përveç interesimit të madh për shërbimet e tij nga gjigantë të futbollit evropian, duke përfshirë ndër të tjerë Manchester Unitedin, Liverpoolin e Juventusin, 20-vjeçari gjithnjë e më tepër përfshihet në lista të futbollistëve që premtojnë shumë.

Kështu, portali kroat, Jutarnji.hr ka formuar një listë prej 10 futbollistëve, të cilët i ka vlerësuar si shpresat më të mëdha të 2012-ës, kurse në të gjendet edhe emri i Shaqirit.

Mesfushori ofensiv ka arritur sukses të madh me Baselin duke fituar Kampionatin zviceran, kurse është një prej futbollistëve më meritorë që skuadra helvetike u kualifikua për 1/8 e finales në Ligën e Kampionëve, duke eliminuar hiq më pak se Manchester Unitedin.

Së bashku me Shaqirin, listën prej 10 top shpresave të këtij viti e përbëjnë edhe Isaac Cuenca (Barcelonë), Alex Oxlade-Chamberlain (Arsenal), Paul Pogba (Manchester United), Iker Muniain (Athletic Bilbao), Mateo Kovacic (Dinamo Zagreb), Mario Fernandes (Gremio), Giorgi Chanturia (Vitesse(, Bernd Leno (Leverkusen) dhe Mateo Musacchio (Villarreal).

Më shumë nga Sporti