Shefja e politikës së Jashtme të BE-së: Rusia nuk po bën asnjë lloj lëshimi
Shefja e politikës së jashtme të Bashkimit Evropian, Kaja Kallas tha se Moskës nuk mund t’i besohet.
Duke iu referuar telefonatës mes presidentit amerikan Donald Trump dhe atij rus Vladimir Putin që rezultoi në një marrëveshje për të ndaluar sulmet e përkohshme të objekteve energjetike të Ukrainës, Kallas tha se është e qartë se Rusia nuk do që të bëjë asnjë lëshim.
“Nëse lexoni reagimet pas telefonatës është e qartë se Rusia nuk dëshiron të bëjë asnjë lloj lëshimi”, u tha Kallas gazetarëve në Bruksel.
Ndërkaq, ministri gjerman i Mbrojtjes Boris Pistorius ka akuzuar presidentin rus Vladimir Putinin se po bën lojëra me Ukrainën, duke iu referuar sulmeve të Rusisë ndaj Ukrainës brenda natës.
“Ne kemi parë se sulmet ndaj infrastrukturës civile nuk janë lehtësuar fare në natën e parë pas telefonatës së supozuar novatore, apo të quajtur të mrekullueshme” tha Pistorius në një intervistë televizive, cituar nga AFP, duke iu referuar bisedës midis Putinit dhe presidentit amerikan Donald Trump.
Ministri e përshkroi gjithashtu si “të papranueshëm” këmbënguljen e Kremlinit se një “kusht kyç” për paqen do të ishte ndalimi i plotë i mbështetjes ushtarake perëndimore dhe inteligjencës për ushtrinë e luftuar të Ukrainës.
“Kjo është shumë dukshme,” tha Pistorius, duke shtuar se Putini synon të ndalë aleatët e Kievit që të “mbështesin më tej Ukrainën dhe t’i mundësojë asaj të mbrohet vërtet nëse ka një sulm tjetër, gjatë ose pas një armëpushimi”, raportoi AFP.
/rtsh.al/