Shenjtërimi i Nënë Terezës/ Kushi, Gjiknuri dhe Llatja shërbejnë për të moshuarit në Elbasan
Ministrja e Arsimit dhe Sportit Evis Kushi, drejtuesi politik i PS për Elbasanin, Damian Gjiknuri, kryetari i Bashkisë Elbasan Gledjan Llatja dhe deputetë të Partisë Socialiste në përvjetorin e Ditës së Shenjtërimit të Nënë Terezës, kanë shërbyer një drekë për të moshuarit e Qendrës Sociale Balashe në Elbasan, për të dhënë shembullin e mirë dhe për të nderuar figurën e Nënë Terezës.
Në një status në rrjete sociale Ministrja Kushi citon një nga mesazhet e Nënë Terezës ku thuhet që të dominojë dashuria për njëri-tjetrin, kujdesi dhe solidariteti me ata që kanë më shumë nevojë.
“Në të gjitha mesazhet e Nënë Terezës dominon dashuria për njëri-tjetrin, kujdesi dhe solidariteti me ata që kanë më shumë nevojë. Prandaj sot, së bashku me Damianin, Gledin dhe deputetët e Bashkisë Elbasan zgjodhëm të vizitojmë dhe shërbejmë drekën në Qendrën Sociale Balashe në Elbasan,” shkruan Kushi.
/rtsh.al/