Sherbim 24 ore per banoret e zonave te permbytura

ISKSH Mjeket ne gatishmeri per cdo rast sipas nje grafiku te percaktuar

Ne vazhden e masave te marra nga Qeveria per banoret e zonave te permbytura Instituti i sigurimeve te Kujdesit Shendetesor eshte angazhuar me strukturat e tij per te qene ne gatishmeri te plote per situaten emergjente te krijuar ne qarkun e Shkodres nga permbytjet e diteve te fundit. Drejtoresha e ISKSH-se Elvana Hana permes nje urdhri per kete situate emergjente u ka kerkuar strukturave rajonale te ISKSH-se ne Shkoder te jene ne gatishmeri te plote 24 ore ne Shkoder dhe fshatrat perreth. Ne vijim te kesaj urdherese mjeket e Qendrave Shendetesore permes nje grafiku te percaktuar jane ne sherbim 24 ore te banoreve te zonave te permbytura.
Aktualisht jane te permbytura Qendrat Shendetesore ne fshatrat Trush Dajc Obot Kuc. Por pavaresisht kesaj ekipet e mjekeve po japin sherbim te panderprere shtepi me shtepi per cdo rast urgjence si dhe ne 4 konviktet ku jane vendosur te evakuuarit ne qytetin e Shkodres.
Fale ketij sherbimi eshte bere e mundur qe gjate mengjesit te djeshem saktesisht ne oren 5.45 ne familjen Boshku ne Oblike nje nene ka sjelle ne jete foshnjen e saj ne shtepi fale asistences se stafit mjekesor te sherbimit shendetesor paresor te Oblikes.
Sipas mjekeve foshnja ka lindur 3 kg dhe gezon shendet te mire.
Gjithashtu nje tjeter rast urgjence eshte shenuar gjate oreve te mbremjes ne fshatin Obot ku nje familje ka rrezikuar jeten nga asfiksia e shkaktuar nga soba e gazit.
Sipas drejtorit te Qendres Shendetesore te Obotit Ilir Lacej pese personat e familjes se Frederik Franajt ne kete fshat jane derguar me urgjence ne Spitalin e Shkodres dhe aktualisht ndodhen jashte rrezikut per jeten. ISKSH do te vijoje te kete gatishmerine maksimale duke dhene sherbim te panderprere per keta banore.