Sherbimi Gjeologjik: Te behemi pjese e KRT-ve
Tragjedia e Gjirokastres erdhi si pasoje e shkeputjes se dherave nga nderhyrja e njeriut dhe nga mungesa e masave te marra per shmangien e problemeve. Ky eshte konkluzioni qe ka nxjerre Sherbimi Gjeologjik Shqiptar, pas inspektimeve ne vendin e ngjarjes. Drejtori i ketij sherbimi, Adil Neziraj, permendi si nje nga pikat e domosdoshme te ndertimit te pallateve, kontrollin profesional ne fazen e ndertimit per zbatimin e projektit gjeologjik. Ai ka vijuar se kjo procedure duhet te zbatohet me rigorozitet nga organet kompetente per te shmangur tragjedi te tilla si ajo e Gjirokastres. “Per marrjen e nje leje ndertimi duhet patjeter te merret studimi gjeologjik i terrenit, qe ne pjesen me te madhe te rasteve sigurohen nga gjeologe private, edhe pse ne Sherbimin Gjeologjik Shqiptar nje zyre e posacme siguron sherbime gjeologjike per firmat ndertuese”, u shpreh Neziraj. Sipas tij, problem mbetet dhenia e licencave profesionale per gjeologet, te cilat nuk jepen nga Sherbimi Gjeologjik Shqiptar, institucion kompetent per kete. Neziraj kerkoi gjithashtu perfshirjen e gjeologeve si pjese e KKRT dhe KRT-ve, per te shmangur tragjedi si ajo e Gjirokastres. Sherbimi Gjeologjik Shqiptar, duke marre shkas nga shembja e pallatit ne Gjirokaster, ka nisur nje grup te posacem per te kryer nje inspektim me te gjere ne zonen Gjirokaster- Kakavije- Kala. Sipas Nezirajt, keto te dhena do te behen se shpejti publike duke qartesuar gjendjen e terrenit per ndertime si dhe per t’u dhene garanci qytetareve.