Sherbimi sekret ne krize dy vjet pa perfituar dieta
Kriza ekonomike ne vendin tone dhe mungesa e fondeve per sherbimet me te nevojshme nuk ka lene menjane edhe Sherbimin Informativ Shteteror. Kriza tek ta duket se ka filluar shume kohe me pare pasi sipas informacioneve prane ketyre strukturave qe prej dy vitesh ata nuk marrin parate e dietave. Megjithese kane shume raste te evidentuara te levizjeve per pune brenda dhe jashte vendit duket se qeveria ka harruar te jape parate per agjentet e sherbimit sekret. Madje ne disa raste vlerat e prapambetura arrijne ne 1500 euro per person.
Sherbimi Informativ Shteteror duket se vec sekreteve te punes ka mbajtur sekret per dy vite radhazi edhe problemet e veta me shpresen se do te zgjidhen. Nje nga keto probleme ka te beje me dietat. Burimet prane Sherbimit Informativ Shteteror tregojne se gjate ketyre dy viteve jane kryer sherbime te ndryshme si brenda territorit te Shqiperise ashtu edhe jashte tij. Shumica e sherbimeve kane qene per pune por nuk perjashtohen edhe rastet e trajnimeve te perbashketa. Megjithate te gjitha keto sherbime kane qene te planifikuara me dieta per te perballuar shpenzimet. Por ne te vertete deri me sot nuk eshte dhene asnje fond qe oficeret dhe agjentet te perfitojne parate e mohuara.
Madje shume oficere te sherbimit sekret kane kryer me shume se 2 ose tre sherbime ku kane pasur edhe rezultate ne pune por ende nuk jane likuiduar per shpenzimet pa marre parasysh ndonje shperblim tjeter. Burimet nga institucioni sekret tregojne qe numri i personave te cilet duhet te marrin parate e prapambetura nuk dihet me saktesi por vlerat e parave variojne nga 500 euro deri ne 1500 euro. Shume prej efektiveve kane pritur se do te levrohet ndonje fond nga qeveria per ta por dita-dites jane bindur se jane lene ne harrese. Tashme ne kohen kur qeveria po ul shpenzimet po detyron punonjesit te kthejne mbrapsht parate e shperblimeve apo po kryen edhe ndalesa te tjera ashtu sic ka anuluar te gjitha prokurimet publike jane shuar shpresat edhe tek efektivet e Sherbimit Informativ Shteteror se do te marrin dietat e mohuara.
SHISH duket se po i shtohet listes se punonjesve te policise qe prej kohesh ankohen per parate e dietave sidomos ato te forcave speciale megjithese ne total kane me pak kohe qe nuk i perfitojne pavaresisht ligjeve ne fuqi. Madje forcat speciale kane ngritur serish zerin duke deklaruar se u ishte premtuar qe dietat e prapambetura prej me shume se shtate muajsh do tu likuidoheshin ne muajin gusht pra ne kete muaj qe jemi por prape nuk eshte realizuar nje veprim i tille.
Sherbimi Informativ Shteteror ka qene burg informacioni prej kohesh sa i perket problemeve financiare. Ata shpjegojne se qe ne vitin 2007 nuk kane pare nje situate te tille kur u kerkua qe te ulen shpenzimet duke ulur edhe numrin e spiuneve. Ne ate vit u mesua se agjentet sekrete por edhe bashkepunetoret e tyre ishin ndeshur me probleme ne pagimin e informacioneve. SHISH-i nuk mundi te paguaje bashkepunetoret e tij ne terren per shkak se fondet ishin te pamjaftueshme dhe ne disa raste thuajse mungonin. Por duke derguar kerkesa ne Kryeministri shume shpejt u dha nje fond i vecante per ta qe te shlyheshin detyrimet e prapambetura. Nuk dihet nese edhe sivjet qeveria do te veproje ne te njejten menyre per institucionin me te rendesishem sa i perket mbrojtjes se sigurise kombetare.