Sherr mes fqinjeve, dy te plagosur me arme

Kruje- Sherri mes fqinjeve per pak sa nuk eshte kthyer ne nje tragjedi te vertete ne Kameras te Krujes. Dy te plagosur rende dhe po kaq te arrestuar, eshte bilanci i nje perleshje te armatosur, ne rrethana ende te pazbardhura nga policia. Burime zyrtare bene me dije se ne Spitalin Ushtarak perfundoi me plage plumbi ne shpatull Edmond Kadiu, 26-vjec dhe pak minuta me pas i dyshuari Genc Kasalla, 46-vjec, qe eshte nen arrest spitalor. Nga hetimi i kryer rezulton se Kasalla, se bashku me djalin e tij te mitur, 17-vjecarin R. Kasalla, ka debatuar per motive te paqarta me Kadiun, 300 metra larg shtepise pasditen e se dieles. Menjehere jane degjuar disa te shtena armesh dhe u njoftua policia vendore. Nga keqyrja e vendngjarjes dhe kontrollet e kryera ne banesa, u be e mundur te bllokohen ne cilesine e proves materiale arma e krimit, automatik "Kallashnikov", 5 gezhoja metalike kaliber 7,62 mm. Policia tha se mbetet mister menyra se si eshte plagosur i dyshuari Genc Kasalla, qe akuzohet se ka qelluar mbi 26-vjecarin Kadiu. Te dy plagosjet jane bere me arme zjarri dhe te demtuarit ndodhen jashte rrezikut per jeten. Ne kerkim eshte shpallur R. Kasalla, kurse prokuroria ngriti dy akuza.

E. A.