Sheshi “Skënderbej”, prokuroria nis hetimet

Njësitë e Task-Force, kanë shkuar në bashki, duke tërhequr dokumentacionin përkatës.

Hetimi ka nisur pas kallëzimi të bërë nga grupi i këshilltarëve në opozitës në bashkinë e kryeqytetit. Prokuroria kërkon që të marrë të gjitha të dhënat nga institucioni i bashkisë, me qëllim për të verifikuar shkeljet e mundshme dhe pse plani i parë i miratuar ligjërisht, nuk është zbatuar.

Në kohën që kjo bashkia drejtohej nga Edi Rama, u miratua një plan me vlerë rreth 5 milion euro të ardhura nga Kuvajti. Plani parashikonte ndërtimin e një sheshi në formë disi piramidale. Por, pas ardhjes në krye të bashkisë të demokratit, Lulzim Basha, plani ndryshoi dhe sheshi u ndërtua në një formë tjetër brenda pak kohësh. /Start/

                                                                                             2012-01-06 08:56