Shfaqet në teatrin Metropol komedia "Drejt Lirisë"

Dikur ishin të panjohura për publikun shqiptar por tani është kthyer në traditë. "One Man Show" vjen për herë të dytë në Teatrin e Metropolit këtë herë me një shfaqje të jashtëzakonshme. "Drejt Lirisë" titullohet kjo vepër satiriko-komike me skenar dhe interpretim të Erand Sojlit. Rruga e gjatë drejt lirisë, problematika dhe sorrollatja e shqiptarëve për të gjetur rrugën e drejt saj ka qënë edhe subjekti i kësaj shfaqje e cila është interpretuar nën ironinë që të sjell humori nga vetë aktorët.
Artikulimi, plastika dhe fjalët e zgjedhura duket të jenë armët e forta të aktorit të mirnjohur Sojli i cili për një orë ka argëtuar publikun e sallës.