Shfrytëzoi për prostitucion një 30-vjeçare, kapet në Kapshticë 28-vjeçari nga Greqia

Policia e Durrësit në bashkëpunim me Prokurorinë e qytetit, kanë finalizuar operacionin e koduar “Indicia”, në kuadër të së cilit u arrestua një 28-vjeçar nga Greqia, i cili shfrytëzonte për prostitucion një 30-vjeçare.

28-vjeçari po tentonte të largohej nga Shqipëria përmes Pikës Kufitare të Kapshticës.

Nga hetimet ka rezultuar se 28-vjeçari, gjatë këtij muaji, ka shfrytëzuar për prostitucion një 30-vjeçare nga Greqia, ndaj së cilës filloi procedimi në gjendje të lirë për veprën penale “Prostitucioni”.

Gjithashtu, nga veprimet hetimore dyshohet se një tjetër person ende i paidentifikuar, i ka vjedhur 30-vjeçares një shumë parash, ndërsa vijon puna për kapjen e tij.

/rtsh.al/