Zgjedhjet në Kukës: Fleta e votimit ngjyrë gri

Në Komisionin Qendror të Zgjedhjeve, Komisioni Rregullator miratoi të martën karakteristikat e fletës së votimit për zgjedhjen e kryetarit të Bashkisë së Bashkisë Kukës, që pritet të mbahen më datë 24 shtator.

Gjatë mbledhjes së Komisionit Rregullator, Ylli Merkaj, Sekretar i Përgjithshëm i KQZ sqaroi se fleta do të jetë ngjyrë gri, teksa saktësoi dhe karakteristikat fizike dhe teknike të saj.

Komisioni Rregullator vendosi me 5 vota pro dhe asnjë kundër, që po ashtu të lë hapur çështjen e gjatësisë së fletës në varësi të subjekteve pjesëmarrëse në zgjedhjet e 24 shtatorit në Kukës.

Komisioni Rregullator po ashtu vendosi që qendrat e votimit, ku do të zhvillohen zgjedhjet e pjesshme për Kryetar të Bashkisë Kukësit, të jenë të hapura nga ora 07:00′ deri në ora 19:00′.

( Sipas ATSH )

/ rtsh /