Shiti 9 çanta false si origjinale për 36 mijë euro, pranga 30-vjeçares në Tiranë

Një 30-vjeçare ka rënë në pranga të policisë së Tiranës për mashtrim. Sipas njoftimit të policisë, shtetasja E. M. kontrabandonte çanta si të markave, në Shqipëri, dhe më pas i shiste ato online, me çmime të konsiderueshme. 

Sipas bluve ajo mashtroi një shtetase duke i shitur asaj 9 çanta false si të markave origjinale kundrejt çmimit 36 000 euro.

Në pranga ra E. M., 30 vjeçe, banuese në Tiranë.

“30-vjeçarja dyshohet se i ka shitur një shtetaseje, 9 çanta si të markave, kundrejt çmimit 36 000 euro, me pretendimin se ishin origjinale. Nga veprimet hetimore ka rezultuar se shtetasja E. M. kontrabandonte çanta si të markave, në Shqipëri, dhe më pas i shiste ato online, me çmime të konsiderueshme”, thuhet në njoftimin e policsë. 

Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

/rtsh.al/