Zgjedhjet lokale, mbërrijnë materialet zgjedhore në Kukës

Në Kukës kanë mbërritur materialet zgjedhore pranë Komisionit Zonal të Administrimit të Zgjedhjeve të cilat më pas do të shpërndahen në 73 qendrat e votimit të Bashkisë Kukës.

Kryetari i KZAZ- 11 Ilir Nerguti shprehet se të gjitha materialet kanë ardhur dhe se do bëhet shpërndarja të shtunën në qendrat e votimit.

Qendra e Numërimit të Votave do të jetë në palestrën e shkollës 9-vjeçare “Lidhja e Prizrenit” ndërkohë që 45 mijë 855 qytetarë më të drejtë vote të Bashkisë Kukës me 14 maj do t’i drejtohen 73 qendrave të votimit.

Gazetar: Norel Zaimi

/rtsh/