Shiu freskon Shqipërinë, pushuesit braktisin bregdetin, përmbytje e trafik

Tiranë- E shtuna e 10 gushtit ka sjellë mbi territorin tonë një mot të paqëndrueshëm që është shoqëruar me shi dhe erë të fortë edhe në zonat bregdetare.

Mësohet se ndryshe nga fundjavat e fundit ku dielli nxehte bregdetin shqiptar, këtë 10 gusht në Vlorë pushuesit kanë braktisur plazhin për shkak të breshërit.

Madje përmbytje janë shënuar në zonën e Ujit të Ftohtë, kurse deri në 4 ballë raportohet të ishte fuqia e dallgëve brenda gjirit të Vlorës. Për shkak të motit të keq janë krijuar edhe radhë të gjata automjetesh në rrugët e qytetit, kurse barkat e peshkatarëve që ishin në det u strehuan në Karaburun.

Siç edhe parashikuan metereologët kjo fundjavë do të ishte më e freskët pas atyre me temperatura deri në 39 gradë Celsius. Mot me reshje shiu ka patur edhe në qytete të tjeratë vendit, përfshirë edhe kryeqytetin, Tiranën.