Shkeli rregullat e ndertimeve pranga ish-shefit te zjarrfikeses

BERAT/ Skender Vraka akuzohet se ka miratuar disa ndertime ne zonen tampon ne lagje te ndryshme te qytetit-muze

BERAT- Ish-drejtori i Zjarrfikeses ne qytetin e Beratit ka rene ne pranga te policise pasi akuzohet per shperdorim detyre. Burime te Drejtorise se Policise se Beratit bejne me dije se mesditen e djeshme ka rene ne pranga te policise ish-shefi i Sektorit te Mbrojtjes nga Zjarri dhe Shpetimit ne kete qytet Skender Vraka.

Ky i fundit eshte ndaluar ne banesen e tij rreth ores 1200 nderkohe qe mesohet se do te perballet me akuzen e shperdorimit te detyres.

Ndalimi i 52-vjecarit Vraka ka ardhur pas nje urdher ndalimi qe organi i akuzes ne kete rreth ka leshuar ndaj tij. Ndaj Vrakes muaj me pare kishin nisur hetimet per favorizim te ndertimeve pa leje ne kete qytet.

Dy muaj me pare organi i Prokurorise ne Rrethin e Beratit nisi hetimet pas shume informacioneve te siguruara ne rruge operative pasi me firmen e tij ishin miratuar disa ndertime ne zonat tampon ne lagje te ndryshme te ketij qyteti.

Ne cilesine e shefit te zjarrfikeses ne kete qytet Vraka kishte dhene miratimin per disa ndertime te reja ku shkeleshin rregullat e ndertimit pasi ndertimet ndodheshin prane zonave tampon. Menjehere pas sigurimit te ketij informacioni Prokuroria e Beratit nisi hetimet ndaj Vrakes duke e hetuar ate ne gjendje te lire.

Dy muaj me pare Vraka u largua nga posti qe mbante prej me teper se nje vit e gjysme nderkohe qe hetimet per shperdorim detyre vazhdonin ndaj tij ne gjendje te lire. Pas sigurimit te provave se Vraka kish dhene miratimin per ndertime te reja ne zonen tampon sipas burimeve te organit te akuzes u kerkua ditet e fundit ndalimi i tij.

Pas plotesimit te dosjes dhe percjelljes se saj prane organit blu uniformat e komisariatit te ketij qyteti realizuan dje ndalimin e 52-vjecarit.

Behet fjale per disa ndertime per te cilat ish-shefi Vraka ka abuzuar me detyren duke dhene miratimin per ndertime te reja cka solli dhe ndalimin e tij. Tashme me ndalimin e Vrakes ngelet per tu zbardhur nese me dhenien e lejeve te reja te ndertimit ish-shefi ka perfituar te ardhura dhe sa do te kene qene perfitimet per cdo leje te dhene me firmen e tij.

Sipas burimeve zyrtare te policise se Beratit Skender Vraka tashme do te perballet me akuzen e shperdorimit te detyres.