Shkëlqen Kadri
Bashkim Kadri po shkëlqen me ekipin e tij B 93 Copenhagen. 18 vjeçari ka realizuar tregolësh, në përballjen ndaj Sollerod-Vedbaek, në ligën e tretë daneze, Divizioni Lindor.
Talentit të madh shqiptar iu deshën vetëm 13 minuta, për ta realizuar tregolëshin e tij të parë në karrierën profesioniste, në fitoren me rezultat 3:2. Sigurisht, sulmuesi shqiptar ndihet i lumtur me këtë arritje.
“Natyrisht se jam i nderuar, por fitorja e bën edhe më të mirë këtë disponim timin. Ishte një ndjenjë e bukur t’i shënoja tri gola në një ndeshje”, ka thënë Kadri për uebfaqen daneze, bold.dk.
Kadri ishte bërë objektiv i skuadrave Odense dhe Borussia Dortmund, por futbollisti për momentin dëshiron të përqendrohet vetëm në momentin e nxehtë të kampionatit. Ai nuk po mendon njëherë për një herë për të ardhmen.
Ai e ndien më shumë luftën e ekipit B93 për t’u ngritur në një rang më të lartë garash, respektivisht në ligën e dytë daneze (Viasat Divisionen). Një luftë kjo që ai beson se ekipi i tij mund ta fitojë. 9 xhiro pa përfunduar kampionati, B 93 Copenhagen aktualisht zë pozitën e pestë, me 33 pikë, 5 më pak se lideri Avarta.
“Po, mendoj se mundemi. Mirëpo, tash duhet të mendojmë ndeshje pas ndeshjeje. Nëse e fitojmë një lojë, duhet ta fitojmë menjëherë tjetrën, dhe tjetrën dhe tjetrën. Në parim, unë besoj në këtë”, vazhdoi Kadri, i cili e analizoi edhe çelësin e suksesit momental të ekipit të tij. “Mendoj se qëndrojmë më mirë në fazën ofanzive, ku po krijojmë shumë raste”, nënvizoi Kadri.
Ai pret përfundimin e sezonit në Danimarkë, për të vendosur më pas për të ardhmen e tij. Kadri, i cili ka kontratë me B93 deri në verën e vitit 2011, në të kaluarën e kishte shprehur dëshirën që të transferohej në Gjermani, tek Dortmund, por palët nuk ishin marrë vesh në aspektin financiar.
Talentit të madh shqiptar iu deshën vetëm 13 minuta, për ta realizuar tregolëshin e tij të parë në karrierën profesioniste, në fitoren me rezultat 3:2. Sigurisht, sulmuesi shqiptar ndihet i lumtur me këtë arritje.
“Natyrisht se jam i nderuar, por fitorja e bën edhe më të mirë këtë disponim timin. Ishte një ndjenjë e bukur t’i shënoja tri gola në një ndeshje”, ka thënë Kadri për uebfaqen daneze, bold.dk.
Kadri ishte bërë objektiv i skuadrave Odense dhe Borussia Dortmund, por futbollisti për momentin dëshiron të përqendrohet vetëm në momentin e nxehtë të kampionatit. Ai nuk po mendon njëherë për një herë për të ardhmen.
Ai e ndien më shumë luftën e ekipit B93 për t’u ngritur në një rang më të lartë garash, respektivisht në ligën e dytë daneze (Viasat Divisionen). Një luftë kjo që ai beson se ekipi i tij mund ta fitojë. 9 xhiro pa përfunduar kampionati, B 93 Copenhagen aktualisht zë pozitën e pestë, me 33 pikë, 5 më pak se lideri Avarta.
“Po, mendoj se mundemi. Mirëpo, tash duhet të mendojmë ndeshje pas ndeshjeje. Nëse e fitojmë një lojë, duhet ta fitojmë menjëherë tjetrën, dhe tjetrën dhe tjetrën. Në parim, unë besoj në këtë”, vazhdoi Kadri, i cili e analizoi edhe çelësin e suksesit momental të ekipit të tij. “Mendoj se qëndrojmë më mirë në fazën ofanzive, ku po krijojmë shumë raste”, nënvizoi Kadri.
Ai pret përfundimin e sezonit në Danimarkë, për të vendosur më pas për të ardhmen e tij. Kadri, i cili ka kontratë me B93 deri në verën e vitit 2011, në të kaluarën e kishte shprehur dëshirën që të transferohej në Gjermani, tek Dortmund, por palët nuk ishin marrë vesh në aspektin financiar.