Shkëmbim zjarri në Fier, një i plagosur

Një person është plagosur pas një shkëmbimi me armë zjarri që ka ndodhur në orët e vona të mbrëmjes së të hënës pranë Bashkisë në qytetin e Fierit. Sipas burimeve të policisë, mësohet se ka ndodhur një shkëmbim me armë zjarri, nga ky i plagosuri po udhëtonte me automjetin e tij, kur ka marrë goditjen nga arma.

Ende nuk eshte zbuluar indetiteti i të plagosurit, sikurse dhe të dhëna të tjera sa i takon autorit. Në vendgjarje kanë shkuar menjeherë forcat e policisë për të kryer verifikimet përkatëse.

I plagosuri menjëherë është transportuar për në spitalin rajonal të Fierit për të marrë ndihmën mjekësore.