Shkendija shkrumbon fabriken, evakuohen banoret

Zjarri shkrumbon fabriken e prodhimit te pajisjeve plastike dhe hidrosanitare ne Panaja te Vlores. Rrezikohen banoret e zones per shkak te flakeve dhe mundesise se shperthimit te materialeve. Policia dyshon se behet fjale per nje shkendije elektrike qe ka sjelle edhe situaten dramatike. Flaket mendohet te kene rene rreth ores 19:00 te mbremjes se djeshme, kur rojet kane vene re shtellungat e tymit. Por perberja e materialeve ka sjelle perhapjen e shpejte te zjarrit ne te gjithe fabriken. Makinat e Repartit te Zjarrfikeses kane mberritur me 30 minuta me vonese edhe per shkak te largesise dhe njoftimit, ndersa per nje ore me radhe jane perpjekur te shuajne flaket. Rreth ores 21:00 mesohet se situata eshte qetesuar dhe banoret u evakuuan per te shmangur ndonje tragjedi. Burime zyrtare thane se demet materiale dhe ato ekonomike per pronarin e fabrikes jane te pallogaritshme, pasi eshte shkrumbuar i gjithe malli dhe pjeset e brendshme te godines. Policia nderhyri per te larguar banoret vetem nje ore pas renies se zjarrit, pasi ne brendesi te godines ka pasur edhe perberje kimike me veti shperthyese.

O.Hila