Shkodër/ Procesi i dezinsektimit, banorët kërkojnë ndërhyrje në zonat turistike dhe pranë kanaleve

Në bashkinë Shkodër ende nuk ka nisur dezinsektimi, ndonëse faza e parë duhet të ishte aplikuar muajin e shkuar. Banorët kërkojnë ndërhyje veçanërisht në zonat bregdetare dhe pranë kanaleve, ku edhe prania e insekteve është më e lartë. 

Situata me e vështirë krahas zonave turistike mbetet pranë kanaleve ku grumbullimi i mbeturinave dhe ujërave të zeza sjell këtë situatë.

Banorët e rrugës tek ish-shtëpia e Mushkajës thonë se dezinsektimi është një nevojë emergjente pasi situata me insektet veçanërisht gjatë verës kthehet në shqetësim për ta.

Specialistët e Shëndetit Publik kanë gati pikat më kritike ku duhet ndërhyrë për dezisektimin.

Ky proces duhej të kishte nisur në muajin mars për tu aplikuar në 10 faza, çdo 3 javë.

Prezenca e mushkonjave dhe insekteve të tjera mbetet shqetësim si në zonat bregdetare po ashtu edhe në qytet.

/rtsh/