Shkoder bllokohen prane kufirit 26 kg droge largohen autoret
SHKODER - Efektivat e policise kufitare Shkoder kane arritur te ndalojne mbremjen e kaluar trafikimin e lendeve narkotike. Si rezultat i nje operacioni te organizuar nga keto sherbime policore eshte bere e mundur te zbulohet dhe te sekuestrohet nje sasi prej 26 kg te bimes narkotike kanabis sativa. Lenda narkotike eshte gjetur prane vendit te quajtur Lapidari i Ushtarit ne komunen Kastrat. Sipas burimeve policore strukturat e kufirit kane vene re levizjen e disa personave ne pyllin e fshatit Hot te komunes Kastrat te rrethit Malesi e Madhe shume prane kufirit me Malin e Zi. Blute e kufirit jane nisur me shpejtesi drejt vendit ku kishte levizje te dyshimta ku dhe kane gjetur 2 thase nderkohe qe poseduesit e ketyre thaseve te favorizuar nga erresira dhe terreni kane mundur qe te largohen ne drejtim te paditur. Sherbimet policore pasi kane sekuestruar thaset kane bere edhe kontrollin e tyre duke zbuluar se brenda tyre ndodheshin 26 kg lende narkotike. Uniformat blu te policise se kufirit dhe strukturat hetimore te luftes kunder trafiqeve te paligjshme prane Drejtorise se Policise Qarkut Shkoder po punojne per identifikimin dhe kapjen e autoreve. Per kete ngjarje punonjesit e kufirit kane vene ne dijeni dhe homologet e tyre te shtetit fqinj te Malit te Zi dhe se bashku po punojne ne kete drejtim. r.d