Shkoder permbytet xhamia e Plumbit

Reshjet përmbytin xhaminë e Plumbit në Shkodër.
Për këtë gjendje, myftiu kërkon të japë dorëheqjen. Muhamet Sudari u tha gazetarëve, se nëse situata nuk ndryshon, ai do të largohet.
Ai u ka kërkuar ndihmë institucioneve përkatëse.
Xhamia e Plumbit ndodhen në pjesën më të ulët të Shkodrës dhe uji futet deri brenda objektit.

Uji vazhdon të jetë prezent në zonen e Dajçit, Obotit dhe Velipojës
Probleme me përmbytjen në qarkun e Shkodrës, ka në rrugën drejt Dajçit, në një pjesë të Obotit, në rrugën Shkodër-Velipojë dhe tek Ura e Gjolulit.
Përmbytje ka ende në disa zona të Shkodrës.
Më problematike paraqitet situata në aksin rrugor Shkodër- Dajc i Bregut të Bunës.
Banorët qarkullojnë nëpërmjet kësaj rruge vetëm me mjete të larta ose me varka.
Shqetësuese është gjendja edhe në fshatin Obot. Disa familje ende nuk janë rikthyer ose jetojnë në katet e sipërme.
Prezencë uji ka edhe në rrugën drejt Velipojës. Qarkullimi bëhet me vështirësi dhe vetëm me automjete të larta.
Nga Shtabi i Emergjenacve thuhet se po punohet për monitorimin e situatës.