Shkollat private rifuten ne skemen e TVSH-se me 20 per qind
Shkollat private do te jene perseri pjese e skemes se TVSH-se ne masen 20 per qind. Komisioni Parlamentar i Ekonomise dhe Financave ka miratuar dje disa ndryshime ne ligjin "Per Tatimin mbi Vleren e Shtuar", qe parashikon rifutjen ne kete skeme te te gjitha institucioneve private arsimore, te cileve u ishte hequr kjo takse qe nga viti 2004 me ane te nje vendimi te posaçem te qeverise se asaj kohe. Ligji i tanishem parashikon futjen ne skemen e TVSH-se te Organizatave Jofitimprurese per furnizim mallrash e sherbimesh per trajtim mjekesor ose dentar, furnizim me materiale per mbrojtjen e kujdesit ndaj femijeve ose te moshuarve dhe furnizim sherbimesh arsimore, kulturore a sportive. Perfaqesuesit e Ministrise se Financave u shprehen se realiteti ka treguar qe furnizimet e kesaj natyre jane kundrejt pagesave te plota dhe konkurruese ne treg. Sipas tyre, masa nga lehtesimi i TVSH-se per tre vjet, sidomos i institucioneve arsimore private, nuk ka rezultuar efikas. “Perjashtimi qe i eshte bere sektorit te arsimit privat nga TVSH-ja per tre vjet radhazi nuk ka dhene impaktin e pritur, pasi keto institucione jo vetem qe nuk kane ulur çmimet e sherbimeve te tyre, por ne te kundert i kane shtrenjtuar ato duke rritur fitimet”, ishte argumenti i perdorur nga Ministria e Financave. Ne relacionin e Ministrise se Financave thuhej se, institucionet arsimore kane kryer ne te njejten kohe edhe evazion fiskal, duke i justifikuar te ardhurat e majme me shpenzime te fryra, te cilat i kane kryer te subjektet e tatimpaguesve te vegjel dhe shpesh pa faturat perkatese. Per veprimtari analoge, shoqeri fitimprurese paguajne rregullisht TVSH-ne mbi furnizimet e tyre dhe perjashtimi i OJF-ve dhe subjekteve te arsimit privat nga kjo skeme ka deformuar tregun e konkurrences. Dy vitet e fundit, arsimi privat ne Shqiperi ka pesuar rritje te madhe, ku shkollat dhe universitetet e rinj kane grumbulluar rreth tyre mijera studente, qe per çdo vit mesimor paguajne shuma qe variojne nga 1500-5000 euro. Deputetet e Komisionit te Ekonomise miratuan dje dhe perjashtimin e TVSH-se per furnizimin e sherbimeve arsimore nga institucionet arsimore publike.
20 Dhjetor 2007