Shkollat "shetitese", 3 milione euro nga Zvicra
Keshilli i Ministrave vendosi dje per miratimin e fazes se pare te marreveshjes mes shtetit shqiptar dhe atij zviceran per zhvillimin dhe vazhdimin e reformes ne Arsimin dhe Formimin Profesional shqiptar (AlbAFP). Me konkretisht, marreveshja e nje rendesie te vecante parashikon krijimin e nje "qendre te levizshme" te Formimit Profesional per zonen verilindore te vendit. Keshtu, kjo qender, apo shkolle e levizshme do te ushtroje aktivitetin e saj ne qytetet Puke, Kukes, Tropoje, Peshkopi dhe Burrel. Nepermjet ngritjes se qendres te levizshme te formimit profesional te siperpermendur synohet qe ne keto qytete te ofrohet Formim Profesional nepermjet kurseve, ne fusha te kerkuara nga tregu i punes, duke u ardhur ne ndihme kryesisht te papuneve, qe ne keto qendra jane te shumte. Keshtu, qendra e levizshme do te instaloje mjetet e punes dhe te mesimit per shembull per hidrauliket, rrobaqepesit, muratoret dhe te njejtat do te funksionojne ne keto 5 rrethe te pjeses verilindore te vendit. Efekti pritet qe te jete i menjehershem, pasi "nxenesit" do te kene mundesi punesimi. Projekti do te mbeshtese reformen e nisur ne fushen e AFP edhe me permiresimin e ambienteve te shkollave profesionale dhe qendrat publike te Formimit Profesional, si dhe me mbeshtetje per bazen materiale te kushtueshme te ketyre shkollave. Reformimi i sistemit te Arsimit dhe Formimit Profesional eshte nje nder prioritetet e qeverise, qe po zhvillohet jo vetem nepermjet inkurajimit te donatoreve, por edhe me fondet e buxhetit te shtetit, me synim rritjen e mundesive per arsimim dhe formim profesional per te gjithe shtetasit sipas standardeve evropiane dhe me teper mundesi punesimi. Eshte i njohur bashkepunimi i mire i qeverise shqiptare dhe zvicerane ne fushen e Arsimit dhe Formimit Profesional (AFP), bashkepunim qe ka filluar qe ne vitet '90, nderkohe qe qeveria zvicerane eshte nje prej donatoreve ne Shqiperi me aktive ne fushen e AFP. Granti i parashikuar per fazen e pare kap shifren 3 milione euro.