Shkolle kolektive prinderit refuzojne te dergojne femijet
Mesuesja dhe edukatorja thote se banoret bojkotuan shkollen per interesat e njerit prej tyre
ELBASAN - 10 prinder kane vendosur te mos i dergojne femijet e tyre ne shkolle pasi nuk kane mundur ti regjistrojne ne godinen e re.
Ata i jane drejtuar nje dite me pare Drejtorise Arsimore ku nuk kane marre nje pergjigje per zgjidhjen e problemit te tyre dhe me pas kane kerkuar te takojne prefektin Shefqet Deliallisi. Banoret e fshatit Shelcan te pjeses se siperme thone se femijet e tyre nuk do te shkojne ne shkolle derisa te regjistrohen ne shkollen e re.
Jani Berdufi anetar i Pleqesise se fshatit dhe prind i njerit prej femijeve thote se shkolla e vjeter eshte e shkaterruar femijet bejne mesim ne klasa kolektive dhe nuk kane asnje kusht per zhvillimin e mesimit.
Ne kerkojme qe femijet tane te vazhdojne mesimin ne godinen e re te fshatit bashke me te gjithe femijet e tjere. Nuk do ti cojme femijet ne shkolle derisa ata te regjistrohen nga drejtoria e shkolles se re. Kemi bere nje peticion me firmat e prinderve te femijeve.
Sot 10 femije nuk kane shkuar dhe nuk do te shkojne ne shkolle derisa te transferohen ne shkollen poshte. Zgjidhjen e trasportit e gjejme vete sepse duam qe femijet tane te shkollohen ne nje godine dinjitoze dhe jo ne klasa kolektive tha Berdufi.
Por per kete godine ekzistojne disa konflikte. Mesuesja dhe edukatorja thone se shkak i bojkotimit eshte se banoret duan te ndihmojne bashkefshatarin e tyre per ta bere me shtepi.
Nje prej banoreve eshte strehuar ne shkolle pasi i eshte shembur shtepia. Mesuesja ka zhvilluar mesim vetem me 5 nxenes ne nje klase kolektive. Yqmet Amati Gezim Toci Petrit Karamuca Agron Topuzi Ndricim Elezi jane disa nga prinderit qe kane refuzuar te cojne ne shkollen e vjeter femijet e tyre.
Pas nje takimi me nje specialist ne Drejtorine Arsimore prinderit kane marre si pergjigje se duhet ti kthejne femijet ne shkollen e vjeter. Te shqetesuar ata thone se nuk do te lejojne qe femijet e tyre te mesojne ne te tilla kushte ne nje shkolle drejt shkaterrimit dhe ne klasa kolektive ku vetem mesim nuk mund te behet.
Shkolla fillore ne Shelcanin e siperm rrezikon te mbyllet dhe nje mesues dhe nje edukator mbeten te papune. Por nderkohe prinderit duken te vendosur te lene 10 femije pa shkolle derisa ky problem te zgjidhet.