Pensionet e "minatoreve", nen hetim 3 ish-zyrtare

Pogradec- Tre ish-zyrtare te Agjencise se Sigurimeve Shoqerore ne Pogradec, jane marre nen hetim per akuzat e "shperdorimit te detyres" dhe "falsifikimit te dokumenteve". Shkak eshte bere skandali me dosjet e pensioneve te minatoreve dhe demi i zbuluar, qe shkon aktualisht ne 400 mije leke. Burime zyrtare nga Policia e Korces bene me dije se pas shoqerimit u lane per hetim ne gjendje te lire te dyshuarit ish-inspektore A. M., 51-vjec, banues ne fshatin Geshtenjas, F. O., 59 vjec, banues ne Pogradec dhe B. B., 64-vjec, banues ne Tirane. "Gjate ushtrimit te detyres ne A.S.SH-ne Pogradec, ish-zyrtaret kane abuzuar me detyren duke i sjelle shtetit nje dem ekonomik ne vleren 399 mije leke, pasi kane leshuar vertetime per vjetersi pune te ish-minatoreve ne kundershtim me ligjin, duke lejuar keta te fundit te perfitojne pension ne menyre te padrejte", njoftoi dje policia vendore. Nga hetimi i kryer rezulton se duke ulur moshen e ish-minatoreve, ata i kane nxjerre ne pension te parakohshem ne menyre te padrejte, nderkohe qe po verifikohen edhe rastet e personave qe mund te mos kene qene minatore ne minieren "Ylli i kuq" ne Pogradec.