Shkon per sardele ne Karaburun, mbytet peshkarexha "Nikolaos"

Vlore- Era e forte dhe reshjet e shiut kane bere qe nje peshkarexhe te fundosej oret e para te mengjesit te djeshem ne Vlore. Pese pjesetaret e ekuipazhit arriten te shpetonin, fale ndihmes se Rojeve Bregdetare Shqiptare, Policise Kufitare dhe Guardia di Financias. Anija e peshkimit "Nikolaos" ka kerkuar ndihme rreth ores 00:05. Ajo ndodhej per gjueti sardeleje ne gjirin e Vlores, prane vendit te quajtur "Shen Jani", prane Gadishullit te Karaburunit. Nga informacionet qe jep drejtoria e kufirit dhe migracionit, eshte komunikuar fillimisht me pronarin e peshkarexhes, Alfred Osmani, i cili ka konfirmuar se ndodheshin rreth dy milje ne Jugperendim te Triportit, ku u ishte fikur motori. Mjeti lundrues kishte filluar te merrte uje dhe ekuipazhi prej 5 personash rrezikonte te mbytej. Sapo kane marre informacionin, sherbimet e Policise Portale jane vene ne levizje. Per shkak te situates se valezimit te larte detar dhe stuhise ne det, mjetet e lundrimit te stacionit te Policise Kufitare te Triporit e kishin te pamundur te ofronin ndihmen e kerkuar. Per kete arsye nga ana e sherbimeve te Rojes Bregdetare ne Sazan u vu ne dispozicion Roja Bregdetare 217. Edhe kjo anije kontaktoi me ekuipazhin ne rrezik, po per shkak te kohes se keqe nuk i dha dot ndihme. Ne keto kushte ne bashkeveprim me kapitenerine e portit dhe me Guardia di Financen, u nisen ne drejtim te peshkarexhes dy rimorkiatore. Si pasoje e eres se forte, anija eshte zhvendosur nga "Shen Jani" perballe kodres se Zvernecit, rreth nje milje ne afersi te bregut. Vetem rreth ores 02:40 anija ka mundur te hyje ne cektine, ndersa ekuipazhi u ndihmua te largohej nga zona e rrezikut. Pronari i saj, Alfred Osmani, si dhe 4 pjesetaret e tjere te ekuipazhit, arriten te shpetonin, te ndihmuar nga forcat policore te bregdetit.

O.Hila

Shkaku

Mjeti lundrues do te nxirret nga ceketina ne Zvernec pasi te qetesohen dallget e detit dhe te permiresohen kushtet atmosferike. Nje tjeter shkak i mbytjes ka qene edhe defekti i pesuar ne motorin e peshkarexhes, i cili u fik papritur dhe mjeti doli jashte kontrollit, duke rrezikuar stafin.

Ekuipazhi

Alfred Osmani

Xhevair Hasani

Pajtim Veizi

Genci Shehu

Njazi Abazi