"Shkoni e votoni per PD, po si individe, vezhgohemi"

Kryeministri Berisha gjate takimeve te shumta qe zhvilloi diten e djeshme ne Qarkun e Beratit dhe te Tiranes, i beri thirrje qytetareve qe te harronin praktikat e shkuara, ku nje person votonte per te gjithe familjen e tij. Gjate nje vizite ne Kamze, ku Berisha inauguroi nje sere objektesh deklaroi se integrimi i metejshem i vendit kerkon votimeve sipas standardeve me te mira. "Thirrja ime vellazerore per te gjithe shqiptaret eshte qe te shkojme tek kutite e votimit bashkerisht si familje, por te votojme si individe, per te mos demtuar zgjedhjet me votim familjar, sepse kete radhe duhet t'i faktojme vetes dhe Evropes se ne do te trokasim ne dyert e saj, si qytetare te lire", deklaroi kryeministri Berisha gjate takimit me banoret e kesaj zone. Po keshtu kryeministri Berisha deklaroi dje ne Lapardha, se qeveria ka arritur te beje nje infrastrukture moderne zgjedhore dhe tashme i takon vete qytetareve te tregojne, se jane te denje per te qene qytetare te nje vendi Evropian. Kryeministri Berisha i beri thirrje te gjithe qytetareve, qe te shkonin me dinjitet drejt qendrave te votimit.