Shkumbini rrëmben një fitore të rëndësishme në Fier

Fier - Shkumbini i Peqinit arriti të rrëmbejë një fitore të rëndësishme 1-0 në Fier përballë Apolonisë vendase. Golin e vetëm për skuadrën e drejtuar nga Gugash Magani e shënoi gjirokastriti Arlind Nora në minutëne 52-të.

Me këtë fitore Shkumbini i Peqinit ngjitet në kuotën e 33 pikëve, duke ruajtur me fanatizëm vendin e katërt. Apolonia mbetet në kuotën e 24 pikëve, duke mbajtur vendin e nëntë në klasifikim.

Javën e ardhshme Shkumbini do të presë Flamurtarin në Peqin, ndërsa Apolonia do të përballet me Besën në Kavajë.