Shkup, lustrimi vetëm për funksionarët

SHKUP- Komisioni për lustrimin do të merret vetëm me verifikimin e deklaratave dhe hapjen e dosjeve për funksionarët aktual.

Kjo është bërë pasi Gjykata Kushtetuese ka vendosur stopimin e procesit të lustrimit për gazetarët, klerikët, shoqatat joqeveritare, avokatët, ish-funksionarët, etj dhe se ajo do të shqyrtojë gjatë periudhës së ardhshme nenin 12 të Ligjit për lustrim në një procedurë të posaçme, informon INA.

Sipas Komisionit për Lustrimin, me ndryshimet e Ligjit për lustrimin nga ana e maxhorancës aktuale ishte paraparë edhe lustrimi i kategorive të lartpërmendura, mirëpo Gjykata hodhi poshtë këto duke e rikthyer ligjin në versionin e parë të miratuar.

Mbi 2000 dosje të gazetarëve, klerikëve dhe personave të tjera që ishin përfshirë për lustrim tashmë janë në sirtarët e Komisionit, mirëpo shqyrtimi dhe verifikimi i tyre është stopuar me ligj.

Kryetari aktual i Komisionit të Lustrimit, Tome Axhiev ka theksuar se Komisioni po merret me dosjet e gjykatësve, prokurorëve, anëtarëve të Akademisë së shkencave dhe arteve si dhe më pas dosjet e zyrtarëve shtetëror. Në këtë kategori hyjnë zyrtarët ushtarak, sekretarët shtetëror, drejtorët dhe të punësuarit nëpër agjenci, drejtori, anëtarë të këshillave drejtuese, komisioneve, ministrive dhe nëpër fakultete.(INA)