Shoqata e bashkive te Shqiperise pershendet rritjen e pagave

Vendimi i qeverisë për të rritur kufijtë e pagave të punonjësve të organeve të qeverisjes vendore është përshëndetur edhe nga drejtori i Shoqatës së Bashkive të Shqipërisë sipas të cilit u arrit me kontributin e të gjithë kryetarëve të bashkive, në mënyrë të vecantë të kryebashkiakut të Tiranës Lulzim Basha.

Drejtori i kësaj shoqate Fatos Hodaj ka deklaruar për mediat se nga ky vendim nuk përfitojnë vetëm kryetarët, por të gjithë punonjësit e njësive të qeverisjes vendore.

Shoqata e Bashkive shprehet e bindur që rritja e rrogave mbi bazën e këtij vendimi do të përbëjë një shtysë për një zhvillim ekonomik vendor të qëndrueshëm si dhe do të shërbejë si një katalizator për të krijuar një administratë moderne.