Shpalosen gjashtë projektet prioritare

Ministria e Drejtësisë, takim me donatorët për reformën në sistem  

Grupi sektorial i punës për reformën në Drejtësi ka zhvilluar një takim me donatorët e kësaj reforme, delegacionin e Bashkimit Europian si dhe përfaqësues të ambasadave të ndryshme në vendin tonë. Qëllimi i takimit ishte konsultimi i iniciativave ligjore, rregullator e politikbërëse në sektor si dhe koordinimin  e prioriteteve dhe qëllimeve të donatorëve për t’i përshtatur me projektet prioritare të sistemit të drejtësisë. Projektet e cituara nga Zëvendësministrja e Drejtësisë kanë kaluar fazat e para të implementimit të tyre me fondet e buxhetit të shtetit ose të donatorëve. Zhvillimi i këtyre projekteve në rrethet e tjera të Shqipërisë kërkon koordinimin e asistencës së huaj në vend.