Shperndante droge ne qender te qytetit, prangoset studenti i "Aleksander Moisiut"

Durres- Nje student i Universitetit "Aleksander Moisiu" ne Durres eshte arrestuar nga policia vendore si i dyshuar per shperndarje te lendeve narkotike, kryesisht ne shkolla. Burime zyrtare thane se ndaluan dje, 21-vjecarin Henri Ikonomi, ne momentin qe ai tentonte te shiste dozat e fshehura ne trup, me peshe 1,7 gr heroine. Ndalimi u be rreth ores 14:30, ne nje nder zonat me te frekuentuara te qytetit te Durresit, i njohur si "Kalaja". Efektivat e antidroges bejne te ditur se ne momentin e arrestimit gjate kontrollit fizik te ushtruar, Ikonomit i jane kapur kater doza lende narkotike. I pyetur nga grupi hetimor, 21-vjecari nuk ka pranuar se sasine e lendes narkotike e kishte per ta shitur, duke thene se e kishte per nevojat e tij personale. Por deshmia ka rene menjehere vetem pas provave te bera publike nga policia. Sipas tyre, i riu mbahej nen vezhgim nga agjentet, pasi kishin marre informacione ne rruge operative se ishte nje shperndares droge. Pas kryerjes se analizave nga ana e mjekut ligjor, eshte arritur ne perfundim se Ikonomi, nuk ishte perdorues droge, duke e hedhur ne menyre perfundimtare versionin e ngritur prej te dyshuarit. Por uniformat blu ushtruan edhe nje kontroll ne banesen e studentit, ne lagjen numer 8 te Durresit, por pa mundur te zbulojne prova te tjera. Dosja hetimore i ka kaluar prokurorise dhe po kryhen hetime per te zbuluar nje rrjet te mundshem shperndaresish.

Informacionet

Vetem pak dite perpara se Henri Ikonomi te arrestohej, ne zyren e Antidroges kishte pasur informacione per aktivitetin e dyshimte te studentit, si shperndares i narkotikeve ne qytetin bregdetar. Policia e ka mbajtur ne survejim, duke e arrestuar pikerisht ne moment flagrance 21-vjecarin.

E. Arapi