Shqipëria në ashensor, ngjitemi 5 vende në FIFAShqipëria i hipi “ashensorit”, duke u ngjitur pesë vende në renditjen botërore të FIFA-s për muajin dhjetor, duke qenë tashmë në vendin e 81-të, nga i 86-ti që renditej në muajin nëntor. Edh

Shqipëria i hipi “ashensorit”, duke u ngjitur pesë vende në  renditjen botërore të FIFA-s për muajin dhjetor, duke qenë tashmë në vendin e 81-të, nga i 86-ti që renditej në muajin nëntor. Barazimi 1-1 me Azerbajxhanin në Baku i dha një bonus 14 pikësh përfaqësueses sonë, dhe tashmë është në kuotën e 424 pikëve.

Duke parë renditjet gjatë 12 muajve të vitit 2008, vendi i 81-të i arritur në dhjetor është një vend larg, dy muajve më të mirë të këtij viti, janarit (vendi i 80-të) dhe qershorit (po në vendin e 80-të). Në muajin shkurt 2008 Shqipëria ka pasur dhe renditjen më të mirë, vendin e 73-të.

Edhe në renditjen specifike evropiane, Shqipëria ka bërë përpara me +3 “hapa”, tashmë jemi në vendin e 36-të nga vendi i 39-të, duke lenë pas plot 17 vende nga 53 federata që aderojnë në UEFA.

Nga kundërshtarët e tjerë të eliminatoreve të Botërorit 2010, Portugalia ka humbur një vend, e 11-ta në FIFA, Suedia (-3 vende, e 32-ta në FIFA) dhe Danimarka (-3 vende, e 37-a në FIFA). Hungaria ka bërë dhe “kërcimin” më të madh me + 9 vende (e 47-a në FIFA). Edhe Malta kundërshtari ynë i radhës në ndeshjen zyrtare të 11 shkurtit ka ngjitur 3 vende, tani e 147-a në FIFA dhe e 49-të në renditjen e UEFA-s.

Renditja botërore dhe ajo evropiane kryesohet nga Spanja (1663 pikë), Gjermania (1381 pikë) e Holanda (1338 pikë).

RENDITJA E EKIPEVE TË GRUPIT 1 ELIMINATOR
TË BOTËRORIT “AFRIKA E JUGUT 2010”

Portugalia: 11 në FIFA; 10 UEFA, 1007 pikë, -1 vend
Suedia: 32 në FIFA; 19 në UEFA, 748 pikë - 3 vende
Danimarka: 37 në FIFA; 22 në UEFA, 716 pikë, - 3 vende
Hungaria:  47 në FIFA; 25 në UEFA, 603 pikë, + 9 vende
SHQIPERIA: 81 në FIFA; 36 në UEFA, 424 pikë, + 3 vende
Malta: 147 në FIFA; 49 në UEFA, 153 pikë , + 3 vende

Renditjet Viti 2008
Muaji        Vendi        Pikë
Janar        80        407
Shkurt    73        421
Mars        74        416
Prill        76        418
Maj        76        471
Qershor    80        375
Korrik    100        359
Gusht        101        359
Shtator    102        352
Tetor        82        416
Nëntor    86        410
Dhjetor    81        424

Ndeshjet e Shqipërisë në vitin 2008

Miqësoret:
Shqipëri-Poloni 1-0
Shqipëri-Lihtenshtejn 2-0
Shqipëri-Azerbajxhan 1-1

Zyrtaret:
Shqipëri-Suedi 0-0
Shqipëri-Maltë 3-0
Hungari-Shqipëri 2-0
Portugali-Shqipëri 0-0

Totali:
7 ndeshje; 2 fitore, 3 barazime, 2 humbje

E Merkure, 17 Dhjetor 2008