Shqipëria përparon për 17 vende

Kombëtarja shqiptare ka përparuar për 17 pozita në renditjen më të re të Federatës Ndërkombëtare të Futbollit (FIFA), e cila u publikua të mërkurën. Kuqezinjtë në renditjen e muajit tetor janë ngritur në pozitën e 67-të nga ajo e 84-t, në të cilën ishin në muajin shtator.

Ekipi i Gianni de Biasit, i cili në ndeshjen e fundit fitoi ndaj Sllovenisë në shtëpi në kualifikimet për Botërorin ‘Brazili 2014’, ka 496 pikë, duke u renditur prapa Uellsit dhe përpara Austrisë. Këtë muaj, përkatësisht më 14 nëntor, Shqipëria do ta zhvillojë një ndeshje miqësore me Kamerunin në Gjenevë të Zvicrës.

Sa i përket renditjes së përgjithshme, kampioni botëror dhe evropian – Spanja, vazhdon të kryesojë, i përcjellë nga Gjermania. Falë sukseseve në kualifikimet për Botëror ndaj Kilit dhe Uruguait, Argjentina e Lionel Messit e rrëmbeu pozitën e tretë, përpara Portugalisë, e cila zbriti për një pozitë pas humbjes nga Rusia. Italia ka përparuar për pesë pozita, tash është e pesta, kurse Brazili vazhdon ‘fundosjen’, është i 13-ti.

Renditja e FIFA-s

1. Spanja 1564 pikë

2. Gjermania 1421

3. Argjentina 1349

4. Portugalia 1178

5. Italia 1169

6. Anglia 1167

7. Holanda 1128

8. Kolumbia 1110

9. Rusia 1084

10. Kroacia 1078

-----------------------

67. Shqipëria 496