Shqipëria superiore ndaj Maltës në takimet e mëparshme

Tiranë - Përfaqësuesja shqiptare ka një superioritet të dukshëm përballë asaj të Maltës në ndeshjet e tyre të mëparshme. Ndeshja e nesërme do të jetë e shtata midis këtyre dy përfaqësueseve.

Shqipëria ka humbur përballjen e parë me këtë kundërshtar 1-2 në një ndeshje miqësore. Ndeshja e dytë është luajtur për trofeun “Rothmans”, dhe ka përfunduar në barazim 1-1.

Katër sfidat e fundit kanë përfunduar të gjitha në favor të Shqipërisë. Në vitin 2000 përfaqësuesja jonë, atë kohë e drejtuar nga Medin Zhega, fitoi 1-0 me këtë përfaqësuese, ku u shpall edhe fituese e trofeut “Rothmans”. Tre ndeshjet e fundit janë fituar nga Shqipëria të gjitha me rezultatin 3-0.