Shqiptarët e Maqedonisë të shtunën në Prishtinë në protestën për Preshevën

Organizata “Illyricum Libertas” me seli në Tetovë ka ftuar shqiptarët e Maqedonsië që t`i bashkëngjiten protestës së 26 janarit për Preshevën që do të mbahet në Prishtinë, në organizim të Lëvizjes “Vetëvendosje!”.

Kjo organizatë ka theksuar se përkrahë plotësisht protestën për Preshevën, Medvegjën dhe Bujanocin, pas akteve të dhunshme të Serbisë raportoi Ina

“Konsiderojmë se komuniteti shqiptar atje ndodhet nën një presion të gjithanshëm në baza ditore me qëllim realizimin e pastrimit të heshtur etnik, duke e detyruar të largohet nga trojet e veta shekullore.

Për këtë arsye, protesta paqësore në Prishtinë, është një reagim i drejtë dhe i ligjshëm i kombit për të ngritur zërin kundër

diskriminimit të një pjese akoma të paçliruar të tij”, thekson Illyricum Libertas, duke ftuar edhe shoqatat e tjera në

Maqedoni të bëjnë thirrje që ditën e shtunë të gjithë shqiptarët të jenë në Prishtinë përkrahë “Vetëvendosje!”. /Indeksonline/