Shtate kongresmene, sot llogari per reformat
Kreret e shtetit shqiptar do te japin sot llogari se si kane ecur me reformat e kerkuara per anetaresimin ne NATO. Sqarimet do t’ju jepen shtate kongresmeneve amerikane, pjese e delegacionit te Dhomes se Perfaqesuesve ne Asamblene Parlamentare te NATO-s, qe do te vijne sot ne vendin tone. Shtate kongresmenet do te zhvillojne pasdite nje takim me Kryetaren e Kuvendit, Jozefina Topalli, kryetarin e komisionit te sigurise kombetare si dhe anetare te tij. Kongresmenet qe ndodhen ne Shqiperi per te pare konkretisht ecurine e bere deri me sot drejt anetaresimit ne NATO, do te njihen me te gjitha hapat qe ka bere vendi yne. Dy pikat kyce, qe do te diskutohen, do te jene dhe ecuria e reformes ne drejtesi dhe asaj zgjedhore. Ceshtje te cilat kane jo pak probleme. Nese ne reformen ne drejtesi eshte ecur disi para me miratimin ne Kuvend te ligjit per “Organizimin e Pushtetit Gjyqesor”, ne reformen zgjedhore hapa para nuk ka. Partite politike jane te percara ne perzgjedhjen e sistemit elektoral, pa bere as edhe nje ndryshim ne Kodin Zgjedhor, pavaresisht rekomandimeve e thirrjeve te nderkombetareve.