Shtetet e Gjirit Persik, projekt për një monedhë të përbashkët

Vendet e Gjirit Persik kanë nisur fazën e parë të Bashkimit Monetar të Gjirit, që ka si objektiv nxjerrjen në qarkullim brenda dhjetë viteve të ardhshme të një monedhë të përbashkët për shtetet e naftës.
Valuta e re, e konceptuar mbi modelin e euros, do të përdoret për të sfiduar dollarin, si mjet shkëmbimi ndërkombëtar për arin e zi.
"Pakti i bashkimit monetar të Gjirit më në fund u bë realitet,"- tha ministri i Financave të Kuvajtit, Mustafa al-Shamali, me rastin e samitit për "Gulf Cooperation Council" (Gç).Faza e parë e monedhës së re, në të vërtetë do të nisë vitin e ardhshëm, me krijimin e Këshillit Monetar të Gjirit Persik, embrioni i asaj që do të bëhet një bankë e vërtetë qendrore e Gjirit Persik.Vendet e para që aderuan në këtë projekt ishin Arabia Saudite, Kuvajti, Bahrejni dhe Katari, por "klubi" duket se do të zgjerohet me shpejtësi marramendëse. Krijimi i kësaj monedhe është parë si një projek kërcënues për ekonominë e perëndimit. Në rast se do të aplikohet shpejt kjo monedhë në tregun aziatik, atëhere shumë banka të Gjirit Persik që përdorin dollarin do të hasnin në shumë vështirësi financiare.