Shtohen presionet për njohjen e Kosovës

Ministri i Jashtëm i Serbisë, Vuk Jeremiç, pret që në fillim të vitit të ardhshëm vendet që janë përkrahëse të pavarësisë së Kosovës të fillojnë presionin në ato vende që nuk e kanë njohur Kosovën. "Kemi informacione se në janar ose shkurt disa vende që janë përkrahëse të pavarësisë së Kosovës të fillojnë presione të tilla" ka thënë Jeremiç, sipas të cilin informacionet janë marrë nga ambasadat e Serbisë në mbarë botën.