Shtyhet miratimi i ligjit te SHISH, konsultime me EURALIUS
Shtyhet miratimi i ligjit te Sherbimit Informativ Shteteror ne Kuvendin e Shqiperise. Lajmi behet i ditur nga burime zyrtare, te cilet sqarojne se do te jete vete kryetari i Komisionit te Sigurise, Leonard Demi, qe do t'i kerkoje Parlamentit me teper kohe per te miratuar ligjin mbi SHISH. Mesohet se shtyrja e ligjit ka te beje me zhvillimin e disa konsultimeve dhe marrjen e mendimeve nga ekspertet nderkombetare mbi kete projektligj. Ne kete menyre, ndryshe nga c'ishte parashikuar, projektligji nuk do t'i paraqitet te enjten seances plenare. Mesohet se Ministria e Drejtesise po konsultohet me misionin e Bashkimit Evropian per sistemin e drejtesise EURALIUS, per te bere permiresime te metejshme ne kete ligj te rendesishem, dhe te domosdoshem per nje vend anetar te Aleances se Atlantikut te Veriut. Ndersa ne nje komunikim per mediat, nenkryetari i Levizjes Socialiste per Integrim, Edmond Haxhinasto, i pyetur mbi ligjin e SHISH, theksoi se mazhoranca e ka shprehur vullnetin e saj, duke ju drejtuar ekspertizes nderkombetare. "Madje dhe Ministri i Drejtesise Bujar Nishani eshte autorizuar te kerkoje mendimin e eksperteve nderkombetare te misionit EURALIUS, lidhur me draftin e ndryshimeve ne projektligjin e SHISH", beri te ditur Edmond Haxhinasto.