Shtypi per zgjedhjet ne Kosove
Zgjedhjet e para ne Kosoven e pavarur perfunduan me nje gare te ngushte mes dy partive ne pushtet, qe e shpallen shkeputjen nga Serbia, shkruan "Financial Times".
Gazeta pohon se Bashkimi Evropian shpreson per formimin e nje koalicioni stabil, ne menyre qe te fillojne bisedimet me Serbine ne fillim te vitit te ardhshem.Brukseli shpreson se keto dy vende eventualisht do te behen anetare te Unionit. Bashkimi Evropian i konsideron zgjedhjet e suksesshme si te rendesishme per integrimet e ardhshme te Kosoves.
"Financial Times" shkruan se bojkoti ne zgjedhjet shkaktoi dalje te ulet te serbeve ne veriun e dominuar nga serbet. Por, dalja ishte shume me e larte ne enklavat serbe, te cilat kane lidhje me te dobeta me Beogradin, pohon gazeta britanike.
E perditshmja "Guardian" transmeton deklaratat e lidereve kosovare pas mbylljes se vendvotimeve dhe shpalljen e fitores nga ana e kryeministrit ne detyre, Hashim Thaçi. Shume votues ankohen se nuk ka pasur permiresime te dukshme te ekonomise 11 vjet pas bombardimeve te NATO-s kunder trupave serbe, qe i dhane fund luftes ne Kosove.
"Guardian" shkruan se zyrtaret e Bashkimit Evropian pohojne se votimet jane shenje e pjekurise per shtetin e ri, i cili njihet nga 72 vende anetare te OKB-se.
Por, ata privatisht jane te shqetesuar nga mundesia se trazirat etnike mund te çojne ne ndarjen e Kosoves ne pjesen veriore me serbe dhe pjesen jugore me shqiptare. Ne shenje integrimi te shtuar, serbet e nderprene traditen dhe dolen te votojne ne zonat ne brendi te Kosoves, shkruan "Guardian".
Gazeta thote se votuesit serbe dukeshin te relaksuar teksa prisnin ta hedhin voten e tyre afer qendrave ku flamujt e Serbise dhe te Shteteve te Bashkuara valevitnin prane njeri-tjetrit - nje skene qe nuk mund te paramendohej vetem disa vjet me pare.
Sipas "Guardian" nuk ka shqetesime se rezultati i zgjedhjeve mund ta destabilizoje Kosoven apo te rrezikojne fillimin e bisedimeve me Serbine.
E perditshmja "Independent" shkruan se te gjitha partite e medha e mbeshtesin integrimin e Kosoves ne NATO dhe ne Bashkimin Evropian, vazhdimin e procesit te privatizimit dhe fillimin e bisedimeve me Serbine. Gazeta shkruan se shqetesimi me i madh i votuesve kosovare kane qene varferia dhe papunesia e paprecedente.